Duke filluar nga periudha deklaruese Prill 2025, Administrata Tatimore ka ndërmarrë një hap të rëndësishëm drejt thjeshtimit të proceseve për tatimpaguesit. Nëpërmjet një zhvillimi të ri në sistemin E-Filing, tashmë do të mundësohet paraplotësimi automatik i deklaratës së TVSH-së, duke përdorur të dhënat e transaksioneve të regjistruara në librat e shitjes dhe blerjes, sipas sistemit të fiskalizimit.

Për më shumë informacion dhe për të lexuar njoftimin zyrtar nga Administrata Tatimore, ju ftojmë të vizitoni linkun më poshtë:
👉 Njoftimi zyrtar – Paraplotësimi i deklaratës së TVSH-së

Risi në Profisc

Me përkushtimin tonë të vazhdueshëm për të ofruar gjithmonë shërbimin më të mirë për klientët tanë, kemi kënaqësinë t’Ju njoftojme mbi dy risi ekskluzive të Profisc.

· Rikujtese mbi Blerjet – Vendosni Vendimet në Kohë!

Duke pasur parasysh rëndësinë e marrjes së një vendimi mbi faturat e blerjes brenda muajit (pranim/refuzim), ne kemi implementuar një funksionalitet të ri që dërgon një email rikujtese në 5 ditët e fundit të muajit. Ky email informon mbi faturat e blerjes të dorëzuara nga CIS, për të cilat ende nuk është marrë asnjë vendim.

Konkretisht, nëse midis datave 25-30/31 të muajit, kompania juaj ka ende fatura elektronike të blerjes (B2B) me statusin Dorëzuar/Delivered (pra, të papranuara ose të parefuzuara në CIS), Profisc do të dërgojë një email përmbledhës me numrin total të këtyre faturave. Ky email do të shkojë te përdoruesit e kompanisë që kanë të drejtë të marrin njoftime të tilla.

Përditësoni të Dhënat mbi Njësitë e Biznesit, TCR dhe Operatorët Aktivë

Tre funksione të reja për të thjeshtuar punën tuaj! Profisc ju ofron tashmë akses të drejtpërdrejtë mbi informacionin e përditësuar të biznesit tuaj nga sistemi qendror i faturave CIS me:

✔ Njësitë e Biznesit (BU) – Të dhëna të detajuara mbi njësitë e regjistruara të kompanisë suaj.
✔ TCR-të (Pajisjet Fiskale) – Informacion mbi pajisjet aktive të faturimit elektronik.
✔ Operatorët Aktivë – Detaje mbi operatorët e regjistruar me të drejtë për të lëshuar fatura.

Kështu ju mund të konsultoheni mbi statusin e këtyre entiteteve thelbësore të fiskalizimit drejtpërdrejt nga Profisc duke u lidhur me platformën ne ambjentet e ProFisc.

 

Faleminderit që përdorni Profisc për një menaxhim më të lehtë dhe efikas të faturave dhe të dhënave fiskale.

Të dashur përdorues,

ProFisc ka sjellë përmirësime të reja në menaxhimin e furnitorëve dhe lidhjen e tyre me Njësinë e Blerjes (Purchase Unit), të cilat janë të aksesueshme në ambientin e prodhimit.

Pse këto zhvillime janë të rëndësishme?
Duke qene se nga CIS, tashmë mund të merrni të gjitha faturat e blerjes, qofshin ato elektronike (E-invoice) ose jo, për të bërë përvojën tuaj edhe më efikase, kemi shtuar fusha të reja në të dhënat e furnitorëve që do t’ju ndihmojnë të menaxhoni informacionin më lehtë.

Ku i gjeni të dhënat e furnitorëve?
Të dhënat për furnitorët janë në menu Cilësimet/Furnitorët e Mi (Settings/My Suppliers), ku mund të:

• Shtoni një Furnitor të Ri,
• Modifikoni të dhënat e furnitorëve ekzistues me lehtësi, duke përdorur butonat “Shto Furnitor” ose “Modifiko”.

Çfarë ka të re?
Kemi shtuar dy fusha të rëndësishme në të dhënat e furnitorëve:

1. Kodi i Furnitorit (Vendor Code): Të gjithë kodet e furnitorëve tani janë të regjistruar dhe të menaxhueshëm.
2. Njësia e Blerjes (Purchase Unit): Kjo fushë ju ofron mundësinë të regjistroni manualisht njësinë e blerjes për çdo furnitor. Nëse kjo fushë është e plotësuar, ProFisc automatikisht do të lidhi faturat e blerjes me njësinë përkatëse pas nxjerrjes.

Workflow-i mbetet i pandryshuar
Në procesin tuaj të punës nuk ka ndryshime. Por tani, keni më shumë fleksibilitet për të menaxhuar të dhënat e furnitorëve në mënyrë të pavarur dhe efikase në Profisc.

Për çdo pyetje ose paqartësi, jemi këtu për t’ju ndihmuar. Bëni pyetje në ProFisc Help

Mos ngurroni të na kontaktoni!

Faleminderit që jeni pjesë e ProFisc, dhe suksese në përdorimin e këtyre funksioneve të reja!